Icon Icon

الأربعاء، 23 يونيو 2010

يلا نقول بسم الله




بسم الله


بصوا يا جماعة ،،،،،،،،

بصيتوا ،،،،، طب بصووووا تانى ،،،،،، ههههههه ،،،،، خلاص بهرج ما تزقوش ،،،،


انا عملت المدونة دى عشان كل واحد فينا بعد مابيتخرج من كليته بيبقى جواه احلام كتير وعلى اد الاحلام دى كلها على اد ما بيبقى شايل حمل كبير


وبتقابله مشاكل كتير فعايز افضفض معاكوا فى المشاكل دى ونقولها وبصراحة من خلال قصة شاب

اسمه ( شقيان صابر شقيان ) من اول ما بيتخرج لحد ما نشوف هيوصل لايه ،،



وعايز ارائكم معايا فى كل مشكلة بتقابله ونحاول نحط ليها حلول لان مشاكله كتير وهو مالوش ذنب فيها وكتير والله بيصعب عليا


حكايته فيها اسقاطات كتير اوى ،،،، حلوة اوى كلمة اسقاطات دى ،،،،، شكلى كدا هتفلسف ،،،، نقولها بالبلدى كدا فى وجع قلب كتير


مع الحكومة والسياسة ،،،،، بس من غير ما نزعل حد منهم ،،،،،، الناس دى حبايبنا ،،،،، انا من البدايه بقول هفضفض ،،،،،،،،


مش فى نيتى اى حاجة تانى والله ،،،، ههههههههه ،،،،،،، بس صعبان عاليا حال كل الشباب اللى زيى ،،،،، ماهم اخواتى بردو


واكيد انا مريت بحاجات كتير منها ولسا بمر ،،،،، وادينا بنفضفض















18 التعليقات:

غير معرف يقول...

بدايه موفقة
وفكرة حلوة اوى

غير معرف يقول...

جامد اوى الجو ده
عيش يا معلم

H يقول...

الفكرة تحفة طبعا وبجد كلنا محتاجين نفضفض مش عم شقيان بس
بس نفضفض بالراحة من غير ما نزعل حد،،، لأن قفانا مش ناقص نزعل حد منا D:

ربنا يوفقك يا كارم’’’

غير معرف يقول...

حلوة

غير معرف يقول...

فكرة جميله ياكارم حلوة ان الانسان يفضفض فى افكار زى ده فعلا هو ده حال الشباب بعد التخرج تسلم ايديك وفى أنتظار عمل أخر بأذن الله

غير معرف يقول...

بدايه جميله لفكره جميله ياكاااااااااارم استمر وربنا يوفقك

احمد يقول...

والله مش بطال وفكر كويس بس نشوف الباقى

فاطمة عزيز يقول...

تحية لك يا كارم

فاطمة عزيز يقول...

كارم تفوقت على نفسك بهذه المدونة .... بالفعل أسلوب عامى لكنه يشد القارىء .... تحية كبيرة لهذه التجربة الإيجابية وأتمنى أن تستمر وتمتعنا .... أما بخصوص الشباب ومشاكلهم فهذا موضوع متشعب جدا يحتاج كثير من النقاش والعمل كل مشكلة على حدا ..... لكن كلى إيمان بأنه بالعمل الجاد وبالإيمان سيأتى النجاح ..... وبعد الليل تشرق الشمس ...... تحياتى يا كارم.

ririslim يقول...

بسم الله جميل الموضوع ياكارم بس شقيان صابر شقيان لازم يفضل شقيان طول ماهو عايش عشان يوصل ويحقق كل اللى بيحلم بيه بس طول مافى جنبه اللى بيحبه وبيشجعه ويقويه هيحب ساعتها الشقى ده وكل الصعب هيبئى سهل ربنا يوفق الجميع يارب

عمــــــــــــــــــــــ كـــارم ــــــــــــــــــــران يقول...

غير معروف التانى

هعيش يا معلم من عنيا بس اكيد مش لوحدى لازم تعيش معانا يمكن نستفاد منك

معلش بقى احنا بتوع مصلحتنا
ههههههههه


H
اه والله مش عايزين نزعل حد لان قفان غلب معانا ومبقاش عارف يستحمل ايه ولا ايه
وان شاء الله كلنا نفضفض مع شقيان الغلبان ونبعبع باللى جوانا ( حلوة نبعبع دى اضحكوا )

احمد
دماغك حلوة مابتحكمش على الموضيع من كلمتين
ادعيلى اللى جى يكون احسن
ياااارب

غير معروف

اللى كاتبلى وفى انتظار عمل اخر ان شاء الله
ياعم ربنا يخليك بس اخلص العمل ده الاول دفيلم كبير عشان يخلص وبعد كدا نفكر فى اللى جى

ياجماعة بالله عليكم اللى يدخل يكتب تعليق فى اختيار الاسم يكتب اى اسم مش شرط اسمه الحقيقى بس عشان اعرف ارد عليه بدل كلمة غير معروف دى بتلخبطنى مش ببقى عارف ارد عليها ازاى

ربنا يشهركم جميعا وتتعرفوا كلكم ههههههههه


استاذة فاطمة

انا مش عارف اقولك ايه والله ،،،،،،، انا مش قد الكلام الكبير ده ،،،،،،،، واكيد بنتعلم منك
تحياتى ليكى

عمــــــــــــــــــــــ كـــارم ــــــــــــــــــــران يقول...

ريرى

الموضوع ما اسموش بسم الله هو اكيد افضل حاجة فى الكون بحاله هو اسم الله طبعا بس الموضوع اسمه ( احلام فتى خريج )
بسم الله عشان نبتدى الموضوع
وانا متفق معاكى جدا ان طول ما الواحد جمبه حد بيحبه هيستحمل الشقى بس ياترى الموضوع ده فى قصة شقيان عامل ازاى
ده اللى هنعرفه فى الحلقة الجية
هههههههههههههه
معلش تقمصت دور المزيع يمكن كان نفسى اكون مزيع وانا صغير بس ما افتكرش

kaltoume يقول...

ya karem yya gamed rabina ikhalik wi chafik ya rab

هيثم يقول...

ممتاز يا كارم

فاطمة عزيز يقول...

مرة أخرى السهل الممتنع ..... أسلوب سلس لا يمل القارىء منه .... بل على العكس اشتقت أكثر لمعرفة باقى الأحداث ..... قادنى اسلوبك يا كارم الى التشويق ..... بالفعل أنت موهوب .... وأتمنى لك التوفيق والنجاح ...... تحياتى

عمــــــــــــ كـــارم ـــــــــران يقول...

كلثوم

يارب يخليك ياجميلة

هيثوم

والله انت اللى ممتاز ولا اقولك كفايا عليك جيد جدا هههههههههه

فاطمة

انا مش اد الكلام الجامد ده مش هتعرفوا تكلمونى بعد كدا انا حزرتكم اهو
يارب بس اكمل على نفس الاسلوب ده وابقى اد ولو ربع الكلام ده

غير معرف يقول...

ذي ما قولتلك قبل كده و رأي ذي ما هو احساس بيصيطر عليه لمه اقر اي حاجه ليك انها قصه شخصيه كأنك انت اللي بتمثلها عشان كده مش بقدر اقولك حاجه لان القدر كاتب معاك سطور كتير في القصه دي
لكن عالعموم بالتوفيق

عصام يقول...

حلوة ياكارم